Serokê DYAyê Donald Trump bi tundî karsazê milyarder ê Amerîkayî û xwediyê Tesla û SpaceXê Elon Musk rexne kir û îdia kir ku heke pişteka dewletê nebûya ewê ji neçarî vegeriya mala xwe ya li Afrîkaya Başûr.

Trump di parvekirina xwe ya li ser hesabê Truth Socialê da derbarê lihevnekirina xwe ya digel Musk ku berî çendekê qewimîbû daxuyanî da.

Trump anî ziman ku dîtinên Musk ên derbarê wesayitên elektrîkî da, wî beriya bê ser wezîfeyê dizanîbûn lêbelê dîsa jî piştevaniya Musk dikir û got, "Di mijara wesayitên elektrîkî da pirsgirêk tuneye lêbelê divê ku kes di kirîna wan da zehmetiyê nekişîne."

Trump di warê teşwîqa dewletê da Musk rexne kir û got, "Heke teşwîqên dewletê nebûna, Elon muhtemelen ewê dikana xwe bigirta û vegeriya mala xwe ya li Afrîkaya Başûr."