ANKARA (AA) - Serokê Ragihandinê yê Serokomariyê Burhanettîn Duran daxuyand ku Serokwezîrê Macaristanê Vîktor Orban û heyeta payebilind a bi wî ra li ser vexwendina Serokomar Recep Tayyîp Erdogan sibê wê serdana Tirkiyeyê bikin.

Duran li ser hesabê xwe yê NSosyalê daxuyand ku Orban û heyeta payebilind a bi wî ra li ser vexwendina Serokomar Erdogan sibê ji bo Civîna 7emîn a Konseya Hevkariya Stratejîk a Asta Bilind a di navbera Tirkiye û Macaristanê da serdana Tirkiyeyê bikin.

Duran diyar kir ku di vê serdanê da hemû têkilî û hevkariyên stratejîk wê bi awayekî berfireh werin nirxandin, li ser pirsgirêkên herêmî û cîhanî yên heyî firk û raman wê bên parvekirin.

Duran her wiha destnîşan kir, tê payîn gelek peymanên ku armanca wan xurtkirina bingeha têkiliyên dualî ne jî wê werin îmzekirin.