Serokomarê Sûriyeyê Ahmed Şara û Serokê Amerîkayê Donald Trump di mijarên parastina yekparetiya axa Sûriyeyê, temînkirina mafên Kurdan û seba têkoşîna DEAŞa rêxistina terorê domandina tevkariyê da mitabiq man.

Serokomariya Sûriyeyê li ser platforma medyaya civakî ya şirketa Xê ku navenda wê li Amerîkayê ye, daxuyanî da û ragihand ku Şara û Trump bi têlefonê axivîn.

Di daxuyaniyê da hat gotin ku her du pêşeng li ser girîngiya parastina yekparetiya axa Sûriyeyê û serxwebûna wê sekinîn û fikra xwe kirin yek seba pêkanîna îstiqrarê piştgiriya hemû hewildanan bê kirin.

Li gor daxuyaniyê her du aliyan destnîşan kir ku divê mafên gelê Kurd were temînkirin û di binê banê Sûriyeyê da werin parastin.

Di axaftinê da Sûriye û Amerîkayê li hev kir ku di çarçoveya têkoşîna dijî DEAŞa rêxistina terorê da tevkarî bidome û tehdîdên rêxistinê werin bidawîkirin.

Li gor daxuyaniyê her du pêşeng hêvî dikin ku Sûriyeyeke xurt û di nava yekîtiyê da bibînin, divê kapasîteya Sûriyeyê têrê bike ku bikaribe bi meydanxwendina herêmî û navneteweyî ra serederiyê derxe.

Her wiha hat gotin ku di axaftina têlefonê da mijarên herêmî yên curbecur hatiye rojevê û hatiye destnîşankirin, ji bo ku Sûriye berê xwe bide pêşerojeke baştir, divê jê ra firsend were dayîn.