Serokomarê Sirbistanê Aleksandar Vucîc diyar kir ku ew Tirkiyeyê wek şirîkekî girîng dibînin û got, "Serokomar Recep Tayyîp Erdogan rêberêkî mezin yê cîhanê ye."

Vucîc piştî hevdîtina xwe ya bi Serokomar Recep Tayyîp Erdogan ra di parvekirineke li ser hesabê medyaya civakî yê şirketa Xa navend Amerîka da kêfxweşiya xwe ya mezin ji bo hevdîtinên li Enqereyê destnîşan kir.

Serokomarê Sirbistanê Vucîc diyar kir ku wî bi Serokomar Erdogan ra li ser hemû mijaran hevdîtinek pir berhemdar kiriye û wiha got, "Serokomar Recep Tayyîp Erdogan rêberêkî mezin yê cîhanê ye. Tirkiye yek ji hevkarên me yên herî girîng e. Ji bo mêvanperweriya we ya bêhempa gelek sipas, em li hêviya pêşwazîkirina we ya li Sirbistanê ne."