Serokomarê Libnanê Joseph Ewn, hedefgirtina binesaziyê û pireyên girîng yên li başûrê Libnanê ji aliyê Îsraîlê va şermezar kir û diyar kir ku ev hewldana ji aliyê Îsraîlê va ji bo xurtkirin û berfirehkirina dagirkirina axa Libnanê ye.

Li gorî daxuyaniya ji Serokomariya Libnanê hat dayîn, Ewn diyar kir ku êrîşên Îsraîlê aloziyeke xeternak û binpêkirina serweriya Libnanê ne.

Ewn destnîşan kir ku êrîşên Îsraîlê yên li Libnanê ku bi awayekî sîstematîk binesazî, tesîsên sivîl û deverên niştecihbûnê wêran dikin, "meyleke xeternak" nîşan didin.

Ewn diyar kir ku Îsraîl li dijî sivîlan siyaseteke cezakirina kolektîf dimeşîne û ev kiryar di tu şert û mercan da nayê qebûlkirin û şermezar kir.

Artêşa Îsraîlê, Pireya Qasimiyeyê ya li ser Çemê Lîtaniyê ku pireyeke girîng e û başûrê Libnanê ji hev diqetîne, bombebaran kiribû.