FUZULÎ (AA) - Serokomar Recep Tayyip Erdogan, li bajarê Fuzuliyê yê ku Azerbeycanê ji dagiriya Ermenistanê rizgar kir, beşdarî merasima xîmdanîna çêkirina rêbejayê bû.

Jinên bi cilûbergên herêmî bo bîranîna rojê, mifteya sembolîk a Balafirgeha Navneteweyî ya Fuzulî bi diyarî dan Serokomar Erdogan û Serokomarê Azerbeycanê Îlham Aliyev.

Piştî lênihêrîna balafirgehê, herdu serok beşdarî merasima çêkirina rêbejaya Ahmetbeylî-Fuzulî-Şûşa û Ehmedbeylî-Horadiz-Minciwan-Axbendê bûn.

Erdogan û Aliyev ji peywirdaran der heqê xebatan da agahî wergirtin û dû ra pê li butonê kirin û xercê ewil ê înşaeta rêbejayê vala kirin.

Serokomar Erdogan û Serokomarê Azerbeycanê Aliyev deqa ku bo bîranîna rojê îmze kirin, di hundirê kapsulê da avêtin nava xercê rê.

Îfadeya li ser deqê jî wiha bû, "Bi destê Serokomarê Azerbeycanê Îlham Aliyev û Serokomarê Tirkiyeyê Recep Tayyip Erdogan xîmê otorêya Horadiz-Cebrayil-Zengilad-Axbendê (Korîdora Zengezûrê) hat avêtin. 26ê Cotmeha 2021ê."