Serokomar Recep Tayyîp Erdogan bi mebesta serdanên fermî bi balafira taybet "TUR"ê di saet 13.55an da gihişt Cezaîrê.

Serokomar Erdogan li Balafirgeha Huwarî Bûmedyen a Cezaîrê ji aliyê Serokomar Ebdulmecîd Tebbûn va hat pêşwazîkirin.

Di miyana pêşwaziyê da 2 zarokên ku cilûbergên herêmî li wan bûn kulîlk pêşkêşî Serokomar Erdogan kirin.

Pişt ra li balafirgehê ji bo Serokomar Erdogan merasimeke fermî ya pêşwazîkirinê hat lidarxistin.

Piştî ku Erdogan û Tebbun li qada merasimê cihê xwe girtin, sirûda neteweyî ya her du welatan hat bangkirin.

Erdogan û Tebbun ku piştî silavdana tîma merasimê, heyetên xwe bi hev dan nasandin.

Digel Serokomar Erdogan Wezîrê Karên Derva Hakan Fîdan, Wezîra Xizmetên Civakî û Malbatî Mahînûr Ozdemîr Goktaş, Wezîrê Enerjî û Çavkaniyên Siruştî Alparslan Bayraktar, Wezîrê Xezîne û Darayiyê Mehmet Şîmşek, Wezîrê Parastina Neteweyî Yaşar Guler, Wezîrê Bazirganiyê Omer Bolat, Wezîrê Veguhastin û Binesaziyê Abdulkadîr Uraloglu, Serokê Teşkîlata Îstixbarata Neteweyî Îbrahîm Kalin, Serokê Ragihandina Serokomariyê Fahrettîn Altun û Serşiwêrmendê Serokomar Balyoz Akîf Çagatay Kiliç jî gihiştin Cezaîrê.