Serokomar Recep Tayyîp Erdogan ji bo beşdarî 20emîn Civîna Serokên G20ê bibe bi balafira"TUR"ê hat Johannesburga bajarê Komara Afrîkaya Başûr.

Li Balafireha Navneteweyî ya OR Tamboyê Thembisile Simelaneya Wezîra Avahî, Av û Gumrahiyê ya Afrîkaya Başûr, Kezban Nîlvana Darama Yildirimgeça Balyoza Pretoryayê û rayedarên din pêşwaziya Serokomar Erdogan kirin.

Bi Recep Tayyîp Erdogan ra jina wî Emîne Erdogan, Wezîrê Karên Derva Hakan Fîdan, Wezîrê Xezîne û Darayiyê Mehmet Şîmşek, Serokê Ragihandinê yê Serokomariyê Burhanettîn Duran, Sekreterê Taybet yê Serokomariyê Hasan Dogan, Şêwirmendê Siyaseta Derva û Ewlehiyê yê Serokomariyê Akîf Çagatay Kiliç, Cîgirê Serokê Giştî yê AK Partiyê û Berdevkê Partiyê Omer Çelîk û hin berpirsên din jî hatîn Komara Afrîkaya Başûr.

Tê payîn ku Serokomar Erdogan di çarçoveya lûtkeya ku li Johannesburg EXPO Centerê tê lidarxistin da sibê beşdarî du rûniştinan bibe, hevdîtinên dualî bike û beşdarî şîva ku ji bo serokan dê bê dayîn bibe.