Serokomar Erdogan hat Qeterê

Serokomarê Tirkiyeyê Recep Tayyîp Erdogan bi balafira taybet "TUR" va di saet 14.20î da hat Dohaya paytextê Qeterê.

Wezîrê Parastina Qeterê Xalid bîn Mihemed El Attiyah, Balyizê Dohayê yê Tirkiyeyê Mehmet Mustafa Goksu û rayedarên din ên Qeterî li Balafirgeha Dohayê pêşwazî li Serokomar Erdogan kir.

Bi Erdogan ra Wezîrê Xezîne û Darayiyê Berat Albayrak, Wezîrê Ciwanî û Werzişê Mehmet Kasapoglu, Wezîrê Parastina Neteweyî Hulusî Akar, Serokê MÎTê Hakan Fîdan, Serokê Ragihandinê yê Serokomariyê Fahrettîn Altun û Berdevkê Serokomariyê Îbrahîm Kalin jî hatin Qeterê.

Serokomar Erdogan dê bi Emîrê Qeterê Şêx Temîm bîn Hamed Al Sanî ra bê bal hev.

Tê payîn ku Erdogan û Al Sanî derfetên bêtir xurtkirina hevkariya berdest a di navbera herdu welatan da binirxînin, her wiha di mijarên herêmî û navneteweyî da guftûgoyê bikin.