Sekreterê Giştî yê Neteweyên Yekbûyî (NY)  ragihand ku ji bo hewildanên wan ên dîplomatîk di warê pêkanîna agirbestê li Xezeyê, pîrozbayî li DYA, Qeter, Misir û Tirkiyê dike.

Guterres li Navenda Giştî ya NYê ya li New Yorkê derket pêşberî kamerayan.

Guterres bal kişand ser peymana agirbestê ya li Xezeyê û ku tê payîn ku bikeve rewacê û got, "Divê pabendî bê kirin. Ez ji bo hewlên dîplomatîk ên DYAyê, Qeter, Misir û Tirkiyeyê, yên ji bo bidestxistina vê gava ku bi lezgînî pêk were, wan pîroz dikim. Em hemî demeke pir dirêj e li benda vê kêliyê bûn."

Guterres diyar kir ku NY amade ye ku alîkariya mirovî peyda bike dema ku agirbestek daîmî were pêkanîn û got, "Ji bo em destbikar bibin, em xwdedî pisporî, torên belavkirinê û têkiliyên civakî yên pêwîst in. Pêdivî amade ne û tîmên me di rewşa amadeyiyê de ne. Em dikarin demildest alîkariya xwarin, av, bijîşkî û stargehê zêde bikin."

Guterres her wiha bangawazî li welatên endamên NYê kir ku piştgiriya darayî ji bo operasyonên alîkariyê peyda bikin.