Arkiaya şirketa duyemîn a rêhewayê ya Îsraîlê ragihand ku ew ê ji serê sala 2021î pê va seferên balafiran ên ber bi Dubaiya ji 7 Mîrektiyên Yekbûyî yên Ereb mîrektiyeke, bidin destpêkirin.

Li gor malpera nûçeya Walla ya ku navend Îsraîl e, rêvebirê payebilind ê Arkia Internationalê Oz Berlowitz got: "Firotina bilêtên seferên balafiran ên rasterast ber bi Dubaiyê va cara ewil e ji alî me va tê kirin û em bi vê yekê serbilind in."

Berlowitz destnîşan kir ku biryara seferên balafiran ên ber bi Dubaiyê va ji ber daxwaza sektora taybet, kom, karsaz û organîzatorên konferansan va hat dayîn.

Di berdewamiya axaftina xwe da Berlowitz got ku ji bo di demeke nêz da ber bi Behreyn û Mîrektiya Şarîkayê va rasterast seferên balafiran bên kirin jî mijarê dinirxînin.

Duh ji alî Mîrektiyên Yekbûyî yên Ereb va cara ewil serdaneke payebilind ber bi Îsraîlê va hat kirin û muafiyeta vizeyê jî di nav da 4 peyman hatibûn îmzekirin.

Îsraîl û Mîrektiyên Yekbûyî yên Ereb roja yekşemê ji bo ku ji Balafirgeha Ben Gurion a li Tel Avîvê ber bi balafirgehên Abû Dabî û Dubaiyê va heftane 28 seferên balafiran bên kirin lihev kiribûn.

Sefera ewil a ji Îsraîlê ya ber bi Mîrektiyên Yekbûyî yên Ereb va jî tê payîn ku roja sêşemiyê bê kirin.