Vladimîr Putînê Serokdewletê Rûsyayê diyar kir ku Ukrayna bi êrîşên li Behra Reş ên dijî tankeran "qorsaniyê" dike û got ku "Rûsya wek bersiva êrîşên dijî tankeran dê êrîşên xwe yên dijî bendergehên Ukraynayê û keştiyên dikevin van bendergehan berfireh bike."

Putîn li paytext Moskovayê berî ku bi Steve Wîtkoffê Nûnerê Taybet û Donald Trumpê Serokê Amerîkayê û Jared Kusherê zavayê Trump ra hevdîtin bike bersiva pirsên rojnamevanan da.

Putîn êrîşên Ukraynayê yên ku li Behra Reş dibe ser tankeran rexne kir û got ku "Êrîşên dijî tankeran dema ku ne li avên navneteweyî li herêma aborî ya dewletekî din, dewleteye sêyemîn a munhasir da bên kirin dibe qorsanî."

Putîn destnîşan kir ku dê Rûsya bersiva êrîşên navborî bide û wiha axivî: "ûsya wek bersiva êrîşên dijî tankeran dê êrîşên xwe yên dijî bendergehên Ukraynayê û keştiyên dikevin van bendergehan berfireh bike. Heke êrîş dewam bikin em ê dijî keştiyên welatên alîkarî dikin ku Ukrayna van operasyonên qorsaniyê bike dê tevdîrên bersivdayînê binirxînin."

Putîn diyar kir ku divê birêvebiriya Ukraynayê û "yên li paş wî disekinin" êrîşên navborî ber çavan ra derbas bikin û got ku "Rêbaza herî radîkal heke em gehîneka Ukraynayê ya bi behrê ra qut bikin dê nekare qorsaniyê bike. Lê ev dê bibe pêngaveke ku rageşiyê zide dike."