Hat ragihandin ku peywirdarên Amerîkayî yên li cihê kontrolê ya di bin kontrola "Weqfa Alîkariya Însanî ya Xezeyê" ya li başûrê Xeta Xezeyê ya ku Îsraîl piştgiriyê didê û hat ragihandin ku îro dest bi fealiyetên xwe kiriye ji bo belavkirina bi hezaran Filistîniyên ku ji bo hildana alîkariyan ketin qadê gule berdan hewayê.

Li gor nûçeyên di çapemeniya herêmî da bi hezaran Filistînî ji bo hildana alîkariyê çûn navenda belavkirinê ya ku li Refaha başûrê Xezeyê hat avakirin.

Hat gotin ji ber ku Îsraîl pêşî li ber teşebûsên alîkariyê digire bi hezaran Filistîniyên ku bi birçîbûnê ra rû bi rû mane ji bendan derbas bûn û bi komî ketin navenda belavkirinê.

Piştî ku bi hezaran Filistînî ketin qadê peywirdarên Amerîkayî nekarîn ku li navenda alîkariyê kontrolê pêk bînin.

Hat ragihandin ku peywirdarên Amerîkayî ji bo belavkirina Filistîniyên ku ji bo hildana koliyekî alîkariyê çendîn kîlomêtro rê hatin gule berdan hewayê.

Hatibû ragihandin ku "Weqfa Alîkariya Însanî ya Xezeyê" ya ku di bin çavdêriya artêşa Îsraîlê da ye û şirketên taybet ên Amerîkayî bi rê va dibe îro li 2 cihan dest bi fealiyetên xwe kir.