Mehmûd Basalê Berdevkê Midûriyeta Parastina Sivîlan a Xezeyê ragihand ku ji destpêkirina serma û bahozê û vir va li Xezeyê 17 Filistînî ji sermanan mirin.

Li ser hesabê Midûriyeta Parastina Sivîlan a li Xeta Xezeyê yê Telegramê, daxuyaniya Basal hat parvekirin.

Basal diyar kir ku li Xezeyê piştî ku taviya giran a baranê û her wiha bahozê dest pê kir û bi şûnda heta niha ji 17yan zêdetir avahî bi temamî hilweşiyan.

Basal her wiha got ku li Xezeyê di heman demê da ji 90î zêdetir avahî jî bi qismî hilweşiyan û wiha dewam kir, "Ev rewş jiyana bi hezaran kesî rasterast dixe ber xetereyê."

Basal got ku li Xezeyê ji sedî 90î konên Filistîniyên derbederbûyî di bin ava baran û lehiyê da man û wiha dewam kir, "Bi hezaran malbatên Filistînî ji konên xwe yên berwext bûn, kinc, nivîn û betaniyên wan zirar dîtin, vê rewşê tengasiyên wan zêdetir kir."

Berdevkê Parastina Sivîlan her wiha got, "Li Xezeyê ji ber sermayê 4 jê zarok 17 Filistînî mirin. Hin kes jî ji ber hilweşîna avahiyan mirin."

Basal bangewaziya xwe ya ji bo civaka navneteweyî û hemû dinyayê dubare kir ku demildest bikevin nav liv û tevgerê û alîkariya bilez a însanî bidin Filistîniyan.