Kordînatorê Karûbarên Însanî yê Ofîsa Kordînasyona Karên Însanî ya Neteweyên Yekbûyî (OCHA) ya li Axên Filistînê yên Dagirkirî Andrea de Domenîco daxuyand ku ew ê ji bo Xeze û Şerîaya Rojava banga alîkariyê ya 2,8 mîlyar dolarî bikin.

De Domenîco bi vîdeoyê beşdarî civîna çapemeniyê ya Neteweyên Yekbûyî bû.

Der barê rewşa Xezeyê da De Domenîco agahî da rojnamevanan û got Xeze her roj ji bo jiyanê têdikoşe.

De Domenîco diyar kir ku xebatkarên alîkariyên mirovî çi ji destê wan tê dikin, lê ji bo koçberî û xelayê tiştekî zêde ya ku ew bikin tune û pirsgirêka pêwaberiyê pirsgirêka herî mezin e.

De Domenîco daxuyand ku xelayî ji ber kêmasiya xurek, av, paqijî û tesîsên tenduristiyê derketiye holê û wiha got: "Nedîyarî rastiya gelê Xezeyê ye ku ew her roj pê re rû bi rû dimînin."

De Domenîco anî ziman ku malbatên tên li başûrê Xezeyê 7 caran ji cî û warên xwe tên qewirandin, Îsraîl rê li ber alîkariyan digire, êrîşê dibistan û nexweşxaneyan dike.

De Domenîco diyar kir ku ew ê sibe ji bo Xeze û Şerîaya Rojava banga alîkariya însanî bikin û wiha dewam kir: "Ji bo piştgiriya 3 milyon însanên li Xeze û Şerîaya Rojava em ê 2,8 milyar dolar alîkariyê bixwazin."

De Domenîco diyar kir ku ji sedî 90ê alîkariyê wê ji bo Xezeyê biçe û destnîşan kir ku wan di destpêkê da plan kiribû ku ew ji bo 4 milyar dolarî banga alîkariyê bikin, lê ji ber ku belavkirina alîkariyê ji bo wan pirsgirêk e wan ev hejmar kêm kiriye.