Wezareta Karên Derva ya Misrê diyar kir ku ew ê di 5-6ê gulanê da li Qahireyê bi heyetên Tirkiyeyê ra îstişareyên siyasî bikin.

Di daxuyaniya nivîskî ya Wezareta Karên Derva ya Misrê da hat destnîşankirin ku îstişareyên siyaî ew ê di seroktiya Sedat Onalê Alîkarê Wezîrê Karên Derva yê Tirkiyeyê û Hemdî Senad Lozayê Alîkarê Wezîrê Karên Derva yê Misrê da werin kirin.

Di daxuyaniyê da wiha hat gotin: "Di hevdîtinên îstişarî da gavên lazim dikin biavêjin ku têkiliyên dualî û herêmî yên herdu welatan normal bibin ê werin nirxandin.

- Çavuşoglu diyar kiribû ku Misrê heyeteke ji Tirkiyeyê dawet kir

Mevlut Çavuşogluyê Wezîrê Karên Derva di weşana zindî ya 15ê nîsanê da gotibû mitabiq man ku di navbera Misir û Tirkiyeyê da pêşiyê îstixbaratan kanalan vekirin û bi navbeynkariya wezaretên derva va pêvajoyê bidomînin.

Çavuşoglu gotibû ku di siyaset û dîplomasiyê da carcaran dibe ku ji hev bixeyîdin, dema nêteke hevpar hebe jî têkilî hêdî hêdî pêşva diçin û wiha pê da çûbû: "Misrê heyeteke ji Tirkiyeyê dawet kir. Di serê gulanê da heyetê here Misrê."

Çavuşoglu destnîşan kiribû ku heyetê di asta alîkarê wezîran da be paşê jî ew ê bi hemtayê xwe yê Misrê ra were ba hev.