Milîsên Xelîfe Hafterê pêşengê hêzên çekdar ên nemeşrû ên li rojhilata Lîbyayê, bi roketan êrîşî başûrê paytext Trablusê kir.

Navenda Çapemeniyê ya Operasyona Furqan el-Xezabê ya Hikûmeta Mitebeqata Neteweyî (HMN) ya Neteweyên Yekbûyî nas dike, der barê êrîşê da daxuyaniya nivîskî da.

Di daxuyaniyê da hat gotin ku milîsên Hafter roket avêtin başûrê Trablusê û roket li herêma Eyn Zarayê li malekê ketin û ji heman malbatê sivîlek hat kuştin, 2 zarok jî birîndar bûn.

Milîsên Hafter duh bişev jî roket avêtibûn herêma Bab el-Xaşîrê ya Trablusê û 2 zarok birîndar bûbûn.

Berdevkê milîsên Hafter Ehmed el-Mismarî duh daxuyanî dabû û gotibû ku Neteweyên Yekbûyî (NY) û welatên Ewropayê ji bo vîrusa koronayê ya nû (Kovîd-19) pêşniyaza agirbesta însanî kiribûn û wan jî ev bi kêfxweşî pêşwazî kir. Lê milîsên Hafter digel vê yekê êrîşên xwe didomînin.