Mihemed Ebdulxeniyê Midûrê Ewlekariya Helebê diyar kir ku di çarçoveya rêkeftinê da ya agirbest û entegrasyona qedemeyî ya di navbera hikûmeta Sûriyeyê û rêxistina terorê YPGyê da, ew ketin Eynulerebê (Kobanê) û ji bo cîbicîkirina pergala qamûyê û vesazkirina şaxên ewlehiyê ew xebatên xwe didomînin.

Piştî ku li Eynulerebê hêzên ewlekariya Sûriyeyê ewlekarî hilda ser milê xwe, Ebdulxenî civîna çapemeniyê li dar xist û biwarê ketina bajêr a hêzên Wezareta Karên Navxweyî ya Sûriyeyê agahî dan.

Ebdulxenî bal kişand ku ew di çarçoveya rêkeftinê da ketin herêmê û wan bi şaxên "Asayîşê" yên qaşo hêza ewlekariyê ya girêdayî rêxistina terorê YPGyê ra hevdîtin pêk anîn û wiha dewam kir:

"Hewl û xebatên me xwe dispêrin cidiyeta me ya cîbicîkirina rêkeftinê ya bêyî kêmasî. Li gorî çavdêriyên me yên qadî, hêviyên ji bo bidawîbûna pevçûnan û her wiha îstiqara dewletê, di nav civakê da bûye cihê razîbûnê."

Ebdulxenî bal kişand ku wekî Sûriyeyiyekî, ew kêfxweşiya gel parve dikin û wiha got, "Em pêk va bawer dikin ku Sûriye dê di kurtedemekê da bigihîje îstiqrar û pêşketinê."

Ebdulxenî her wiha got ku wan li dewrûbera Eynulerebê vekolîn pêk anîn û wan li avahiya navendî ya Hêzên Ewlekariya Navxweyî hevdîtin pêk anîn.

Ebdulxenî destnîşan kir ku pêvajo hin hûrgiliyên teknîkî vedihewîne û piştî kutabûna verastkirinên di navbera aliyan da pêşreviya ber bi navendên bajaran dê bidome û wiha pê da çû:

"Diyar e ku herkes divê di bin sîwana dewleta Sûriyeyê da bibe yek. Madeyên peymanê jî di vê çarçoveyê da hatine diyarkirin."