Li Îranê hejmara kesên ji ber vîrusa koronayê ya tîpa nû (Kovîd-19) mirin û vîrusê dikevin zêde dibe.

Sîma Sadat Lariya berdevka Wezareta Tenduristiyê di daxuyaniya xwe da diyar kir ku ji ber Kovîd-19ê di 24 saetên dawîn da 346 kes mirin û 6 hezar û 968 kes jî bi vîrusê ketin.

Ji destpêka şewbê vir va cara ewil e evqas kes mirin û bi vîrusê ketin.

Lariyê got ku bi vî awayî hejmara miriyan derket 33 hezar û 299an, ya pêketiyan jî derket 581 hezar û 824an.

Berdevk Lariyê diyar kir ku rewşa 4 hezar û 995 pêketiyan giran e, hetanî niha 463 hezar û 611 pêketî jî piştî dermankirinê pak bûn.

Lariyê destnîşan kir ku li welêt hetanî niha 4 milyon û 786 hezar û 769 test hatine kirin.

Berdevka Wezareta Tenduristiyê destnîşan kir ku li welêt 31 eyalet jî di nav herêmên "xeternak" û "sor" da ne.

Ji ber zêdebûna hejmara pêketiyan li Tehrana paytext û eyaletên Qûm, Qezwîn û Elburzê dîsa dest bi sînordarkirinan kiribûn.