Li Xeta Xezeyê ya ku Îsraîlê xela lê ferz kiriye, di 24 saetên dawîn da 5 Filistîniyên din jî ji ber birçîbûnê mirin û hejmara kesên ku ji ber biçîbûnê mirin jê 93 zarok, gihîşt 180.

Wezareta Tenduristiyê ya li Xezeyê daxuyaniyeke nivîskî weşand û der barê kesên ji ber birçîbûnê mirin da agahiyan parve kir.

Hat ragihandin ku di 24 saetên dawîn da 5 Filistîniyên din jî ji ber birçîbûnê mirin û li Xezeyê hejmara kesên ku ji ber biçîbûnê mirin jê 93 zarok, gihîşt 180.

- Xezeyî ji ber birçîbûnê dimirin

Li Xeta Xezeyê ya ku di bin êrîşên Îsraîlê da ye û ji bo ku alîkariya mirovî negîhêje dorpêçiyeke tund lê tê kirin, ji ber kêmasiya av, xwarin, derman, pêdiviyên tibî û alavên paqijiyê karesateke mirovî heye.

Li Xeta Xezeyê bi taybetî zarok gelek kes ji ber birçîbûnê dimirin.

Derûdorên herêmî û navneteweyî dibêjin Îsraîl "birçîbûn û tîbûnê wekî çek" bi kar tîne.

Artêşa Îsraîlê bi hilweşandina binesaziya sivîl va ji sedî 88ê Xezeyê wêran kiriye û gelek caran jî êrîşî Filistîniyên ku ji ber fermanên dersînorkirinê koçber bûne û li deverên penaberiyê dijîn, dike.

Li Xezeya ku nifûsa wê nêzîkî 2.3 mîlyon e, hejmara mirovên ku ji ber êrîş û fermanên dersînorkirinê yên Îsraîlê koçber bûne gihîştiye 2 mîlyonî ku gelek kes ne carekê, gelek caran koçber bûne.