Artêşa Îsraîlê ragihand, li Xeta Xezeya dorpêçkirî 10 dîlên Îsraîlî yên jin û zarok û 4 Taylandî bo peywirdarên Komîteya Xaça Sor a Navneteweyî hatin teslîmkirin.

Li gorî daxuyaniya Berdevkiya Artêşa Îsraîlê, peywirdarên Xaça Sor ragihandin, li Xeta Xezeyê 10 dîlên Îsraîlî yên jin û zarok û 4 Taylandî bo konvoya wan hatin teslîmkirin.

Lihevkirin çêbûbû ku "navbera însanî" ya ji bo pevçûnan a di navbera Hemas û Îsraîlê da ji sêşemê bo pêncşemê were dirêjkirin. Di çarçoveya rêkeftinê da biryar hatibû dayîn ku beramberî 10 dîlên Îsraîlî yên jin û zarok ên li Xezeyê, 30 jin û zarokên dîl ên di girtîgehên Îsraîlê da dê bên berdan.

Artêşa Îsraîlê ragihandibû, berêvarê 2 Îsraîliyên ji hêla Hemasê hatin berdan gihîştin welatê xwe.

Hemasê diyar kiribû, herdu dîlên navborî welatiyên Rûs in û wan, ew ji ber hewlên Serokê Dewleta Rûsyayê Vladimir Putîn berdan.

Çapemeniya Îsraîlê nivîsîbû, dîlên navborî 2 Îsraîlî ne ku hemwelatîbûna wan a Rûsyayê jî heye.