Li Tehrana paytextê Îranê ku di binê êrîşên Amerîka û Îsraîlê da ye, teqînên nû çêbûn.

Li rojhilata Tehranê herî kêm 2 teqîn çêbûn. Teqîn ji herêmên dûr ên bajêr jî hat bihîstin.

Der barê cihê ku bû hedef û xesarê da hê daxuyaniya fermî nehatiye dayîn.

- Êrîşên Amerîka û Îsraîlê yên dijî Îranê

Dema pêvajoya mizakereyê ya di navbera Tehran û Washîngtonê da dewam dikir, Îsraîl û Amerîkayê di 28ê Sibatê da êrîşên eskerî birin ser Îranê.

Îranê jî digel Îsraîlê, baregehên Amerîkayê yên li Qeter, Mîrektiyên Yekbûyî yên Ereban û Bahreyn di serî da êrîşî baregehên Amerîkayê yên li welatên herêmê kir.

Di êrîşên Amerîka û Îranê da digel Serokê Îranê Ayetullah Elî Xamaney, gelek rayedarên payebilind hatin kuştin.

Heyva Sor a Îranê daxuyand ku di êrîşên Amerîka û Îsraîlê da 787 kes hatin kuştin.

Artêşa Îsraîlê: Balafireke me ya F-35iyê li ser esmanê Tehranê balafira şer a Îranê xist

Artêşa Îsraîlê îdia kir, balafireke wan a F-35iyê (Adir) li esmanê Tehrana paytextê Îranê balafira şer-perwerdeyê ya tîpa Yak-130î xist.

Ji artêşê Îsraîlê der barê mijarê da daxuyanî hat dayîn.

Di daxuyaniyê da wiha hat îdiakirin, "Balafireke Hêzên Esmanî ya Îsraîlê a F-35iyê qasek berê li esmanê Tehranê balafira şer (Yak-130) xist. Bi vê daxistinê va li dinyayê cara ewil e ku F-35, balafireka şer ya bifirokevan dixe."

Yak-130a balafira pêşketî bi destê şirketa Yakovlevê ya Rûsyayê hatiye çêkirin û ji bo perwerdeya pîlotên balafira şer a nifşa 4 û 5emîn tên bikaranîn. Çêkirina vê balafirê di 1991an da dest pê kir û cara ewil di 25ê Nîsana 1996an da firîbû.