Li Navenda Xweşiqitandinê ya Crans-Montanayê ya li Swîsreyê di kêliya pîrozbahiyên serê salê da teqîn çêbû û hat ragihandin ku di teqînê da bi dehan kes mirin, nêzî 100 kesî birîndar bûn.

Polêsê Swîsreyê di civîna çapemeniyê da diyar kir ku li bajaroka Crans-Montanayê ya li başûrê welêt di saet 01.30î da li barekê teqîn çêbû û agir bi barê ket.

Midûrê Ewlehiyê yê Valaisê Frederic Gisler diyar kir ku di teqînê da gelek kes mirin û nêzî 100 kesî birîndar bûn.

Rayedaran diyar kir ku piştî bûyerê li Kantona Valaisê rewşa derasayî hat îlankirin, der barê teqînê da lêpirsîn dan destpêkirin û îhtimala êrîşa terorê tuneye. Hat gotin ku li nexweşxaneyên derdorê tedawiya birîndaran dewam dike.

Sedema teqînê hê nehatiye tesbîtkirin. Cihê ku bûyer lê çêbû, ji ber hinceta ewlehiyê hat girtin û li ser Crans-Montanayê biryara qedexeya firînê hat dayîn. Hat gotin ku di kêliya teqînê da li cihê bûyerê ji 100î zêdetir meriv hebûn.