Li ser sînorê binîqaş ê Tayland û Kamboçyayê pevçûn derket û li gor tesbîtên ewil li aliyê Taylandê 9 sivîl hatin kuştin, 14 sivîl birîndar bûn.

Li nêzî perestgeha Khmerê ya li ser xeta sînorê navbera Tayland û Kamboçyayê serê sibehê pevçûn derket.

Artêşa Qraliyetê ya Taylandê (RTA) daxuyand ku guleya ewil eskerên Kamboçyayê agir kir.

RTAyê diyar kir ku di êrîşan da li eyaleta Sîsaketê 6 li eyaleta Surînê 2, li eyaleta Ubon Ratchathaniyê kesek hat kuştin, 14 kes birîndar bûn.

Berdevkê Wezareta Parastinê ya Taylandê Surasant Kongsiri ragihand ku pevçûn herî kêm li 6 deverên ser sînor dewam dikin.