Li Qersê minîbusa gund ji rê derket û li ser eraziyê ku bi berfê nixûmiye welgeriya, 5 kesên ku di minîbusê da bûn birîndar bûn.

Minîbusa ku şofêrê wê Gudbettîn Demir û plaqeya wê 06 DF 4269 e li ser rêya Qers-Dîgorê, li Taxa TOKÎyê ji rê derket û li ser eraziyê ku bi berfê nixûmiye welgeriya.

Di qezayê da şofêr û Bîrcan Demir, Îzzet Îslam Demir, Turkan Esatoglu û Îsmet Ayaz Esatoglu yên di minîbusê da bûn, birîndar bûn.

Li ser cawdayînê polês û ekîbên tenduristiyê çûn cihê qezayê.

Ekîbên tenduristiyê birîndar rakirin Nexweşxaneya Dewletê ya Harakaniyê û Navenda Lêkolîna Tenduristiyê û Sepanê ya Zanîngeha Kafkasê.