Li Lîzbona paytextê Portekizê tramvay ji rê derket, di qezayê da 15 kes mirin û 18 kes jî birîndar bûn.

Li gorî nûçeyên çapemeniya welêt, tramvaya bi navê Glorîa ya ku semboleke Lîzbonê ye û turîst eleqeyeke mezin nîşan didin, bi saeta herêmî li dora saet 18.00ê êvarê ji rê derket.

Di qezayê da 15 kes mirin û jê 5 giran 18 kes jî birîndar bûn.

Serokomarê Portekizê Marcelo Rebelo de Sousa di daxuyaniya nivîskî da piştrast kir ku di qezayê da mirî û birîndar hene û xemgîniya xwe anî ziman.

Di vîdeoya li ser medyaya civakî hatiye parvekirin da xuya dike ku dû ji tramvayê bilind dibe û mirov hewl didin ku kavilan rakin.

Hikûmeta Portekizê ji ber qezayê rojek şîna neteweyî, Şaredariya Lîzbonê jî 3 roj şîn îlan kir.