Li Pakistanê barana musonê di dawiya hezîranê da dest pê kir û di tîrmehê da jî dewam dike. Di baranê da jimara kesên ku xeniqîn û mirin, derket 221an.

Li gor nûçeya Geo Newsê, barana ku li eyaletên Hayber Pahtunhva, Pencap, Sind û Belucistanê dibare, bû sedema can û mal.

Li gor daxuyaniya ku ji Saziya Rêvebirinê ya Afata Neteweyî ya Pakistanê (NDMA) hat dayîn, di encama afata barana gur da ji dawiya hezîranê vir va jimara kesên ku xeniqîn û mirin, derket 221an.

Her wiha di heman heyamê da 592 kes jî birîndar bûn.

Her sal li Asyaya Başûr di navbera meha hezîran û îlonê da barana musonê dibare û dibe sedema afatên mezin û qezayan.