Dinya

Li Kolombiyayê hejmara kesên ji ber Kovîd-19ê mirin ji 100 hezarî derbas bû

Sinan Doğan   | 22.06.2021
Li Kolombiyayê hejmara kesên ji ber Kovîd-19ê mirin ji 100 hezarî derbas bû

Bolivar

Li Kolombiyayê hejmara kesên ji ber şewba vîrusa koronayê ya nû (Kovîd-19) mirin ji 100 hezarî derbas bû.

Li gor daxuyaniya Wezareta Tenduristiyê, di 24 saetên dawîn da 648 kes mirin û hejmara miriyan derket 100 hezar û 582 kesî.

Di 24 saetên dawîn da li welêt 23 hezar û 239 pêketî hatin tesbîtkirin, bi tevahî hejmara pêketiyan derket 3 milyon û 968 hezar û 405an, hejmara kesên ku baş bûn jî 18 hezar û 876 zêde bû û derket 3 milyon û 685 hezar û 947an.

Bi van hejmaran va cara ewil e ku evqas kes di rojekê da dimirin.

Herî zêde li Bogotayê pêketî hene ku hejmara wan milyonek û 165 hezar û 221 e û ji bilî vê li eyaleta Antîoquayê jî hejmara pêketiyan bi 610 hezar û 130an va zêde ye.

Li welêt heta niha 14 milyon û 953 hezar û 869 kes doza ewil ya aşiyê bûn, 4 milyon û 781 hezar û 769 kesan jî doza xwe ya duyem dane kirin.


Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın