Hat ragihandin li herêma Tai Po ya Herêma Rêveberiya Taybet Hong Kongê ya Çînê, di sîteyeke 8 apartmanî da ji ber şewata ku duh derket hejmara kesên mirin derket 55an.

Peywirdarên Îtfaiyeya Hong Kongê di civîna çapemeniyê ya li cihê bûyerê da daxuyandin ku hejmara mirî û birîndaran zêde bû.

Hat destnîşankirin, ji ber şewatê heta niha yek jê îtfaiyevan bi tevahî 55 kes mirin, ji 76 birîndarên rakirin nexweşxaneyê jê rewşa 28an giran e û ya 15an jî krîtîk e.

Duh nîvro di Sîteya Wang Fukê da ya ku ji 1900î zêdetir daîre lê hene, şewatê dest pê kiribû û di rûyê îskeleyên bambû da yên ji bo nûkirina avahiyan di cebheyê derva da sazkirî bûn û her wiha alavên îzolasyonê, şewat bi lez û bez belav bûbû.

Di sîteyê da ya ku tê texmînkirin derdora 4 hezar kes lê dimînin, ji 7 apartmanan di 3yan da şewat hat kontrolkirin. Her wiha zêdetirî 24 saetan e ekîbên îtfaiyeyê xebatên temirandina şewatê didomînin.

Hat diyarkirin hê jî ji 279 kesan xeber nayê sitandin.

Du midûr û endazyarê şêwirmend ên şirketa tedîlata sîteyê dimeşand, hatin binçavkirin.