Li Helebê di navbera artêşa Sûriyeyê û PKK/YPGya rêxistina terorê ku li wê derê navê HSDê bikar tîne da pevçûn berdewam in.

Li gorî çavkaniyên herêmî, piştî êrîşên piştî nîvro yên PKK/YPGya rêxistina terorê yên li dijî wargehên sivîlan û xalên eskerî yên artêşa Sûriyeyê yên li Helebê, pevçûn berdewam in.

Artêşa Sûriyeyê li dijî çeperên PKK/YPGyê bersivê dide û bi dehan tank û wesayîtên zirxî wekî hêz dişîne xetên têkiliyê yên bi rêxistina terorîst ra.

Di saetên êvarê da di êrîşa PKK/YPGê da zarokekî din jî jiyana xwe ji dest da.

- Geştên asîmanî yên li Balafirgeha Navneteweyî ya Helebê hatin rawestandin

Daxuyaniyek nivîskî ji Rêveberiya Giştî ya Asîmangerî û Geştên Asîmanî ya Sûriyeyê ragihand ku ji ber pêşketinên dawî geştên asîmanî ji Balafirgeha Navneteweyî ya Helebê ji bo 24 demjimêran hatine rawestandin.

- Saziyên Fermî yên li Helebê dê Sibê Kar Rawestînin

Waliyê Helebê Ezzam Xerîb li ser hesabê medyaya civakî yê şîrketa X a li DYAyê ragihand ku saziyên fermî dê sibê kar rawestînin, û dibistan û zanîngeh dê girtî bin.

Xerîb diyar kir, "Ji ber rewşa heyî û bombebarankirina nexweşxane û saziyan ji aliyê Hêzên Demokratîk ên Sûriyeyê va, demjimêrên karê fermî dê sibê werin rawestandin."

Di êrîşên ku rêxistina terorîst di nav rojê de pêk anîn de, bi tevahî 5 kes, ku 4 sivîl û 1 endamê hêzên ewlehiyê yên Sûriyeyê ne, jiyana xwe ji dest dan, û 16 sivîl, ku 10 zarok in, birîndar bûn.

PKK/YPGya rêxistina terorê di saetên êvarê da êrîşî dibistana el-Kelîma ya li taxa Suryana Nû û Nexweşxaneya Zahî Ezreq a li taxa Bustana Paşa kirin.

- Daxuyaniya Wezareta Parastinê ya Sûriyeyê

Di daxuyaniyek nivîskî de derbarê pevçûnan da, Wezareta Parastinê ya Sûriyeyê destnîşan kir ku PKK/YPG di roja sêyemîn de êrîşên xwe yên li dijî yekîneyên artêşê û sivîlan li Helebê dijwartir dike.

Daxuyaniyê destnîşan kir ku rêxistinê Peymana 10ê Adarê binpê dike û tekez kir ku PKK/YPG hewl dide artêşê bikişîne nav şerekî vekirî ku qada wê ya şer ew diyar bike.