Li eyaleta Navendî ya Îranê di êrîşa Amerîka û Îsraîlê ya li ser deverên niştecihbûnê da 11 kes hatin kuştin û 15 kes jî birîndar bûn.

Li gorî ajansa nûçeyan a nîvfermî ya Îranê ISNAyê, Amerîka û Îsraîlê bi şev êrîşî li ser deverên niştecihbûnê yên li navçeya Mehallatê ya eyaleta Navendî kirin.

Alîkarê Waliyê Navendî Hesen Qemerî diyar kir ku di êrîşa bi şev ya Amerîka û Îsraîlê ya dijî navçeya Mehallatê da 11 kes hatin kuştin û 15 kes jî birîndar bûn.

Qemerî her wiha got li 3 deverên niştecihbûnê yên ku rasterast êrîş lê hatin kirin zirareke girîng çêbûye, 4 xanî bi tevahî hilweşiyane û 4 xaniyan jî bi giranî zirar dîtine.