Li Îrana di bin êrîşê DYA-Îsraîlê da li bajarê Qumê 6 kes hatin kuştin.

Li gorî malpera nûçeyan a Îranî Cemaran, Cîgirê Waliyê Qumê, Murteza Heyderî derbarê bûyerê da daxuyanî da.

Heyderî got ku di encama êrîşên DYA-Îsraîlê da li navçeya Perdîsan a Qumê 3 avahiyên niştecihbûnê hatine hedefgirtin, herî kêm 6 kes hatine kuştin û hejmara birîndaran hê nehatiye diyarkirin.

Ji aliyê din va Rêveberê Giştî yê Rêveberiya Krîzan li Parêzgeha Azerbeycana Rojava Hamid Safarî, di axaftina xwe da ji ajansa nûçeyan a dewleta Îranê IRNAyê ra diyar kir ku di êrîşa li dijî Urmiyê da çar avahiyên sivîlan hatine lêdan, di encamê da hinek kes mirine û hinek jî birînda bûne.

Her wiha malpera nûçeyan a Îranê "nournews"ê ragihand ku êrîşên asîmanî yên DYA-Îsraîlê îşev Tehran, Îsfehan, Kaşan, Yezd, Qum, Tebrîz û Ehwaz kirin armanc.