Li parzemîna Afrîkayê jimara pêketiyên vîrusa koronayê ya nû (Kovîd-19) ji 2 milyon û 187 hezarî derbas bû.

Li gor malpera "Worldometer"ê ku daneyên rojane yên mirî û pêketiyên Kovîd-19ê yên li welêt û herêman berhev dike, li tevahiya parzemînê jimara pêketiyên Kovîd-19ê di rojekê da 10 hezar û 397 zêde bû derket 2 milyon û 187 hezar û 333yan.

Jimara kesên ku ji ber şewbê mirin jî 263 zêde bû û derket 52 hezar û 83an.

Ji ber Kovîd-19ê heta niha herî zêde mirin li Komara Afrîkaya Başûr çêbû. Li Komara Afrîkaya Başûr 21 hezar û 535 kes mirin.

Li Misrê 6 hezar û 650 kes mirin, li Fasê 5 hezar û 846 kes mirin.

Li Seyşelê û Erîtreyê heta niha tu kes nemiriye.

Li Komara Afrîkaya Başûr jimara pêketiyan derket 790 hezar û 4an, dû vî welatî bi 356 hezar û 336 pêketiyan va Fas, bi 115 hezar û 911 pêketiyan va Misir tê.

Li Afrîkayê milyonek û 853 hezar û 296 pêketiyên Kovîd-19ê jî qenc bûn.