Dinya, Koronavîrus

Li Îranê di 24 saetên dawîn da 335 kes ji ber Kovîd-19ê mirin

Li welêt hejmara pêketiyên Kovîd-19ê 6 hezar û 134 zêde bû û ev ji bo rojekê reqora herî zêde ye

Abdullah Tel   | 23.10.2020
Li Îranê di 24 saetên dawîn da 335 kes ji ber Kovîd-19ê mirin

Tahran

 Li Îranê jimara kesên ku di 24 saetên dawîn da ji ber vîrusa koronayê ya nû (Kovîd-19) mirin 335 zêde bû, jimara pêketiyan jî di 6 hezar û 134 zêde bû. Ev jimar di nav rojekê da niha reqora herî zêde ye.

Berdevka Wezareta Tenduristiyê Sîma Sadat Lariyê daxuyanî da û diyar kir, di 24 saetên dawîn da li tevahiya welêt 335 kesên din ji ber Kovîd-19ê mirin û 6 hezar û 134 pêketiyên nû hatin tesbîtkirin.

Lariyê diyar kir ku bi vî awayî jimara giştî ya miriyan derket 31 hezar û 985an, jimara pêketiyan jî derket 556 hezar û 891î.

Berdevk Lariyê destnîşan kir ku ji nexweşên Kovîd-19ê rewşa 4 hezar û 933an giran e û heta niha 446 hezar û 685 kes jî qenc bûne.

Lariyê diyar kir li Îranê heta niha 4 milyon û 685 hezar û 727 test hatine kirin.

Berdevka Wezareta Tenduristiyê daxuyand ku 31 eyaletên welêt di nav herêmên "sor" û "xeternak" da cih digrin.

Ji ber ku pêketî zêde bûn, li paytext Tehran û eyaletên Qûm, Qazwîn û Elburzê tevdîrên tengavkirinê cardin hatin hildan.

Anadolu Ajansı web sitesinde, AA Haber Akış Sistemi (HAS) üzerinden abonelere sunulan haberlerin sadece bir kısmı, özetlenerek yayımlanmaktadır. Abonelik için lütfen iletişime geçiniz.
İlgili konular
Bu haberi paylaşın