Konvoya Sumudê ya Mexrîbê ragihand ku Fîloya Sumudê ya Kurewî ya ku ji 50yan zêdetir beleman pêk tê dê li peravê Behra Spî bigihêjin hev û ber bi Xezeyê va biçin.

Di daxuyaniya ji ser hesabê çapemeniya civakî yê Konvoya Sumudê ya Mexrîbê da hat diyarkirin ku belem ji bendergehên li Tûnis, Îtalya, Yûnanistan û Lîbyayê li pey hev derketin rê, belemên ku serê mehê ji Bendergeha Barselonayê ya Îspanyayê bi rê ketin jî piştî ku ji ber sedemên teknîk û organîzasyonel li bendergehên Tûnisê sekinîn ji Bînzertê ji nû va tevî rêgehê bûn.

Hat gotin tê plankirin ku fîloya ji 50yan zêdetir beleman pêk tê li peravên Maltayê bigihêjin hev û bi hev ra ber bi peravên Xezeyê va biçin, di beleman da derman, xwarina pitikan û alîkariyên xurekê û nêzî 50 welatan dildar hene.

Hat ragihandin ku di nav beşdarvanan da ji gelek aktîvîst, bijîşk, parlamenter û rîspiyên Ereb, ji welatên wekî Malezya, Tirkiye û welatên din nûner hene.

Di daxuyaniyê da bangî civaka navneteweyî kirin û hat destnîşankirin ku êrîşeke dijî dildar û aktîvîstên li fîloyê da sûceke cidî û îxlala mafên mirovan e.

Di daxuyaniyê da her wiha "ji hikûmetan hat xwestin ku ji bo pêkanîna ewlehiya welatiyan bila bikevin dewrê û hêsanî derxînin ku alîkarî bigihêjin Xezeyê."