Hat ragihandin ku kom û hêzên siyasî yên Filistînî di mijara ku birêvebiriya Xezeyê dewrî "komîteya Filistînê ya berwext a ku dê ji teknokratên serbixwe yên ji gelê Xezeyê pêk bê" da li hev kir.

Kom û hêzên siyasî yên Filistînî yên ku li ser daweta Serokomarê Misirê Ebdulfettah es-Sîsî di 23-24ê cotmehê da li Qahîreyê civiyan danezaneke hevpar weşandin.

Di danezana hevpar da hat gotin ku di mijara ku birêvebiriya Xeta Xezeyê dewrî komîteya Filistînê ya berwext a ku dê ji teknokratên serbixwe yên ji gelê Xezeyê pêk bê" da li hev kirin.

Hat diyarkirin ku komîteya navborî dê bi hevkariya welatên Ereb ên bira û saziyên navneteweyî ra li ser bingeha zelalî û hesabdayîna neteweyî da li Xezeyê ji birêvebiriya jiyana rojane û xizmetên bingehîn berpirsyar e.

Di danezanê da hat ragihandin ku her wiha ji bo kontrolkirina fînansman û tetbîqkirina ji nû va avakirina Xezeyê dê komîteyeke navneteweyî bê avakirin û yekîtiya pergala siyasî ya Filistînê û serxwebûna pêvajoyên biryardayîna neteweyî hat destnîşankirin.

Di danezanê ds hat destnîşankirin ku civîn berdewama hewldanên ku bi navbeynkariya Misir, Qeter û Tirkiyeyê hatin kirin û bi dawîlêhatina êrîşên Îsraîlê yên dijî Xezeyê va bidestxistina encamên siyasî û însanî ye.

Komên Filistînî destîşan kir ku "Ji bo dawîlêanîna êşên gelê Xezeyê û pêkanîna pêşerojeke çêtir divê hemû hewldan dewam bikin."

Di danezanê da spasiya teşebûsa Ereban, aliyên Îslam û navneteweyî, bi taybetî hewldanên Serokê Amerîkayê Donald Trump ên ji bo rawestandina şerê li Xezeyê kirin.