Ji bo hewldana Serokê Amerîkayê Donald Trump a der barê dawîanîna şerê li Xezeyê da Tirkiye jî di nav da 8 welatan daxuyaniyeke hevpar weşand û gotin ku ew ji ber hewldanên Trump ên dilsoz ên ji bo dawîanîna şerê li Xezeyê kêfxweş in.

Wezîrên Karên Derva yên Tirkiye, Urdun, Mîrektiyên Yekbûyî yên Ereban (MYE) Endonezya, Pakistan, Erebistana Siûdî, Qeter û Misirê der barê "Plana Berfireh a ji bo Dawîanîna Şerê Xezeyê" ya ku ji 20 xalan pêk tê ya Serokê Amerîkayê Donald Trump daxuyaniyeke nivîskî ya hevpar weşandin.

Di daxuyaniyê da hat gotin ew ji ber"seroktiya Trump û hewldanên wî yên dilsoz ên ji bo dawîanîna şerê li Xezeyê" kêfxweş in, baweriya wan bi îradeya wî ya ji bo pêkanîna aştiyê heye û anîn ziman ku girîngiya hevkariya bi Amerîkayê ra ya ji bo pêkanîna aştiyê ya li herêmê heye.

Wezîran daxuyand ku ji bo pêkanîna aştiya navxweyî, ewlehî û îstiqrarê ya herêmê ew amade ne ku peyman çêbibe, bikeve rewacê û ew bi Amerîka û aliyên têkildar ra bi awayekî erenî tevbigerin.

Di daxuyaniyê da wiha hat gotin: "Wezîran pabendbûna xwe ya hevbeş a ji bo xebata bi Amerîkayê ra ya ji bo dawîanîna şerê li Xezeyê ji nû ve piştrast kir. Ev peymana berfireh gihandina alîkariya mirovî ya bênavber û hewce dike ya ji bo Xezeyê dihewîne. Koçberkirina Filistîniyan, berdana rehîneyan, mekanîzmayeke ewlehiyê ya ji bo garantîkirina hemû aliyan, vekişîna Îsraîlê ya bi tevahî û ji nû ve avakirina Xezeyê dihewîne."

Hat destnîşankirin ku ev peyman di bingeha çareseriya dudewletî da pêkanîna aştiyeke adil ya li gor hiqûqa navneteweyî jî dihewîne û hat gotin ev hemû xal ji bo îstiqrar û ewlehiya herêmê pir girîng in.