Di êrîşên artêşa Îsraîlê yên li ser Xeta Xezeyê da di 24 saetên dawî da 83 Filistînî hatin kuştin, hejmara kuştiyan gihişt 65 hezar û 502yan.

Di daxuyaniya nivîskî ya Wezareta Tenduristiyê ya Filistînê ya li Xezeyê da agahiyên li ser kesên ku ji ber êrîşên artêşa Îsraîlê hatin kuştin û birîndar bûn, hatin parvekirin.

Di daxuyaniyê da hat diyarkirin ku di 24 saetên dawîn da 83 kuştî û 216 birîndar bo nexweşxaneyên li Xezeyê hatin veguhestin.

Dîsa hat balkişandin ku ji 18ê Adarê û vir va ji ber êrîşên artêşa Îsraîlê yên piştî têkbirina agirbesta 19ê Rêbendanê, 12 hezar û 939 Filistînî hatin kuştin û 55 hezar û 335 Filistînî jî birîndar bûn.

Her wiha hat destnîşankirin ku di êrîşên artêşa Îsraîlê da yên ku ji 7ê Cotmeha 2023yan û vir va li dijî Xeta Xezeyê didomin, hejmara kesên ku hatin kuştin derket 65 hezar û 502yan, ya birîndaran jî derket 167 hezar û 376an.

Tê destnîşankirin ku li Xeta Xezeyê di bin kavilan da hê bi hezaran cinaze hene.