Li bajaroka Beyt Hanînaya Qudsa Rojhilat a dagirkirî di navbera Filîstîniyên kuştina Şirîn Ebû Aqîleya nûçegihana Al Jazeerayê protesto dikirin û hêzên Îsraîlê da xirecir derket û 5 kes birîndar bûn, 6 Filîstînî jî hatin binçavkirin.

Di navbera Filîstîniyên ku li bajaroka Beyt Hanînayê bi destê eskerên Îsraîlê kuştina Ebû Aqîleya nûçehina bi tecrube a televîzyona Al Jazeerayê protesto dikirin û hêzên Îsraîlê da xirecir derket.

Di daxuyaniya Heyva Sor a Filîstînê da hat gotin ku "Ekîbên me li Beyt Hanînaya li Qudsa dagirkirî midaxeleyî 5 kesên ku ji ber pevçûna bi hêzên Îsraîlê ra birîndar bibûn kir."

Di daxuyaniyê da hat ragihandin ku yek ji birîndaran ji bo dermankirinê rakirin nexweşxaneyê û yek ji birîndaran jî peywirdarekî tenduristiyê ye ku midaxaleya ewil li birîndaran dikir.

Li gor agahiyên şahidan ragihand hêzên Îsraîlê di dema protestoyan da 6 Filîstînî binçav kirin.

Şirîn Ebû Aqîleya nûçegihana sehayê ya bi tecrube ya televîzyona Al jazeeeraya ku navenda wê Qeter e vê sibê dema ku li Kampa Penaberan a Cenînê ya li Şerîaya Rojava ya dagirkirî raserê dişopand bi gulebarana eskerên Îsraîlê ji serê xwe xedar birîndar bibû.

Eskerên Îsraîlê digel ku peywira xwe dikin û li serê êlega pola ya li serê "çapemenî" dinivîse hebû bi guleyên rasteqîn lê xistibûn û Ebû Aqîle jiyana xwe ji dest dabû.

Rojnamevan Elî es-Sumudiyê ku li ba Ebû Aqîleyê bû jî ji pişta xwe birîndar bibû. Hatibû ragihandin ku rewşa Sumudiyê rakirin nexweşxaneyê stabîl e.