Hejmara kesên ku ji 7ê Cotmeha 2023yan û vir va di êrîşên artêşa Îsraîlê yên li dijî Xeta Xezeyê da hatin kuştin, derket 53 hezar û 272an.

Wezareta Tenduristiyê ya li Xezeyê der barê kesên ku di êrîşên artêşa Îsraîlê yên li ser Xezeyê da hatine kuştin û birîndar bûne da agahiyên nû parve kirin.

Hat daxuyandin ku di nav 24 saetan da 153 kuştî û 459 birîndar rakirine nexweşxaneyên li Xezeyê.

Artêşa Îsraîlê di 18ê Adarê da agirbesta ku di 19ê Çileya Paşîn da çêbûbû, binpê kir û dîsa dest bi êrîşan kir. Hat destnîşankirin ku ji 18ê Adarê vir va hejmara Filistîniyên ku hatine kuştin, derket 3 hezar û 131an, hejmara kesên ku birîndar bûne jî derket 8 hezar û 632an.

Hat daxuyandin ku li Xeta Xezeyê ji 7ê Cotmeha 2023yan û vir va hejmara kesên ku di êrîşên Îsraîlê da hatin kuştin derket 53 hezar û 272an, ya birîndaran jî bû 120 hezar û 673.

Tê gotin ku li Xeta Xezeyê hê bi hezaran kuştî di binê kavilan da ne.