Wezareta Navxweyî ya Sûriyeyê ragihand ku ji 120 endamên DEAŞê yên ku ji girtîgeha Şedadiyê, bajarekî li parêzgeha Hesekê ya bakur-rojhilat reviyabûn, 81 kes hatine girtin.

Di rêze daxuyaniyan de, Wezareta Navxweyî di destpêkê da diyar kir ku YPG/HSDya rêxistina terorê berpirsiyarê berdana terorîstên DEAŞê ye.

Wezaretê piştre ragihand ku "piştî revîna 120 terorîstên DEAŞê ji girtîgeha Şedadiyê, yekîneyên artêşa Sûriyeyê û yekîneyên operasyonên taybet ên Wezareta Karên Navxweyî ketin bajarê Şedadiyê."

Di daxuyaniyê da wiha hat destnîşankirin:

"Yekîneyên Artêşê û Wezareta Navxweyî li derdora bajarê Şedadiyê operasyoneke berfireh a lêgerîn û paqijkirinê pêk anîn. Di operasyonê da 81 terorîstên DEAŞê hatin girtin. Lêgerîna endamên mayî yên DEAŞê berdewam e."

Artêşa Sûriyeyê duh êvarê ragihand ku YPG/HSDya rêxistina terorê terorîstên DEAŞê ji girtîgehek li Şedadiyê serbest berdaye.