Iraqê ragihand ku wan, 150 endamên rêxistina terorê DEAŞê yên di girtîxaneyên li Sûriyeyê da girtî ne, wergirtin.

Sebah en-Nûmanê Berdevkê Fermandarê Hêzên Çekdarî yê ji ÎNAya ajansa nûçeyan a fermî ya Iraqê ra axivî, diyar kir ku wan 150 terorîstên DEAŞî yên Iraqî û biyanî yên di girtîxaneyên li Sûriyeyê da girtî ne, wergirtin.

Nûman diyar kir ku Konseya Ewlekariya Neteweyî ew yek erê kir ku terorîstên Iraqî û hemwelatiyên welatên din ên ku li Sûriyeyê di girtîxaneyên rêxistina terorê YPG/HSDyê da girtî ne, ji hêla Iraqê bên wergirtin û di girtîgehên dewletê da bên bicihkirin.

Nûman bal kişand ku koma ewil a ku ji 150 kesî pêk tê, hat wergirtin ku ev kesên navborî di fealiyetên terorê da bi awayekî aktîf cih girtine û xwîna Iraqên bêguneh rêtine.

Nûman destnîşan kir, terorîstên hatin wergirtin, di nav kadroyên lîder ên rêxistinê yên pile yekem da ne û lewma jî şaxên ewlekariyê pêvajoyê ji nêz va dişopînin.

Nûman her wiha got ku li gorî nirxandina ewlehî û şertên qadê, hejmara komên din ên ku dê bên wergirtin, dê bê diyarkirin.