Hikûmeta Xezeyê ragihand ku ji agirbesta 10ê Cotmehê ya di navbera Hemas û Îsraîlê da çêbû û vir va bi tenê 986 TIRên ku alîkariya mirovî lê barkirî derbasî Xezeyê bûn.

Ofîsa medyayê ya hikûmeta Xezeyê der barê alîkariya mirovî ya ku piştî agirbest û peymana pevguhertina dîlan a ku gihîştiye Xeta Xezeyê da daxuyanî da.

Di daxuyaniya nivîskî da hat destnîşankirin ji dema ku agirbest ketiye rewacê û vir va bi tevahî 986 TIRên alîkariya mirovî gihîştine Xezeyê ku jê 14 bi tupên mitbaxê û 28 jî sotemenî lê barkirî bûn.

Daxuyaniyê wiha dewam kir: "Her çendî piştî agirbestê heta 20ê Cotmeha 2025an divê 6 hezar û 600 TIRên alîkariya mirovî bigihîştina jî, bi tenê 986 TIRên ku bi alîkariya mirovî barkirî gihîştin Xezeyê."

Di daxuyaniyê da hat gotin ji dema agirbest û peymana pevguhertina dîlan a di navbera Hemas û Îsraîlê da, rojane 89 TIRên alîkariya mirovî digihîjin Xezeyê.

Hat bibîrxistin ku li gorî peymana agirbestê, divê ev hejmar rojane 600 TIR bûbûya.