Hikûmeta li Xezeyê destnîşan kir ku duh tenê 95 TIRên alîkariyê ketin Xeta Xezeyê.

Di daxuyaniya nivîskî ya Nivîsgeha Medyayê ya Hikûmeta li Xezeyê da wiha hat gotin:

"Roja duşemê tenê 95 TIRên alîkariyê ketin Xeta Xezeyê. Beşeke mezin a van TIRan ji ber kaosa ewlekariyê ya ku dagirkeriya Îsraîlê bi qesdî belav kiribûn hatin şêlandin. Ev rewş beşek ji polîtikaya sîstematîk a endezyariya kaos û birçîhiştinê ye ku armanca wê lawazkirina hevgirtina civakê ye û şikandina berxwedana wê ye."

Di daxuyaniyê da "berdewamiya sûcê birçîhiştina sîstematîk, girtina deriyên sînor û astengkirina hatina alîkariyan" hat şermezarkirin û wiha hat gotin, "Li Xezeyê binesazî bi temamî rûxiyaye û qirkirin lê didome. Ji bo dabînkirina pêdiviyên herî kêm ên tenduristî, xwarin û xizmetguzariyên bingehîn, rojane herî kêm pêwîstî bi 600 TIRên alîkarî û sotemeniyê heye."

Di daxuyaniyê da tekezî hat kirin ku berpirsiyarê kûrtirkirina karesata mirovî ya ku bandorê li zêdetirî 2.4 milyon mirovên li Xeta Xezeyê dike, hêza dagirker Îsraîl û hevalbendên wê ne.