Hemasê ragihand ku "bersiva xwe ya erênî" ya der barê pêşniyaza peymana lihevkirina êsîran û agirbesta li Xezeyê ya bi Îsraîlê ra ragihand navbeynkaran, ji bo tetbîqkirina agirbestê bo mizakereyan amade ye.

Di daxuyaniya nivîskî ya Hemasê da hat diyarkirin ku di encama îstişareya bi komên siyasî yên li Filistînê da "bersiva erênî" ya bo pevguherîna êsîran û agirbesta li Xezeyê ya bi Îsraîlê ra ragihandin navbeynkaran.

Di daxuyaniyê da hat gotin ku "Hemasê bersiva erênî da navbeynkaran û ji bo ku vê pêşniyazê tetbîq bike bi temamî amade ye ku demildest bikeve vê tura mizakereyên cidî."

Tel Avîvê hê der barê bersiva Hemasê da daxuyaniyeke fermî neda.

Serokwezîrê Îsraîlê Binyamîn Netanyahu berî ziyareta xwe ya Washîngtonê ya di 7ê tîrmehê da ya ku dê ji bo hevdîtina bi Serokê Amerîkayê Donald Trump ra biçê dê di 5ê tîrmehê da kabîneya ewlehiyê û siyasî bicivîne.