Hejmara kuştiyên êrîşa DYA û Îsraîlê ya li dijî dibistaneke seretayî ya keçan a li parêzgeha Hurmuzganê ku dikeve başûrê Îranê gihîşt 51 kesan.

DYA û Îsraîlê li dijî Îranê êrîş dan destpêkirin

Li gorî televizyona dewletê ya Îranê hejmara kuştiyên di encama êrîşa DYA-Îsraîlê ya li dijî Dibistana Keçan a Şeceretut Tayyîbe ya li bajarê Mînaba ser bi parêzgeha Hurmuzganê ku dikeve başûrê wî welatî gihîşt 51ê.

Qaymeqamê Mînabê Mihemed Radmehr diyar kir ku dibistan rasterast bûye hedef û di êrîşê da gelek keç hatine kuştin.

Radmehr berê ragihandibû ku dibistanek seretayî ya li Mînabê di êrîşeke DYA-Îsraîlê da bûye hedef û di êrîşê da 24 keçan jiyana xwe ji dest daye.