Hat ragihandin li Sûdanê balafira eskerî ket xwarê û 46 kes mirin

Hat ragihandin li rojavayê Xartûma paytextê Sûdanê li herêma Ûmdûrmanê duh balafireke eskerî bi ser malekê da ket xwarê û di encamê da esker û sivîl bi tevahî 46 kes mirin.

Li gorî nûçeya ajansa fermî ya nûçeyan a Sûdanê SUNAyê, hikûmeta eyaleta Xartûmê der barê ketina balafira eskerî ya cure Antonov ya bi ser malekê da daxuyanî da.

Di daxuyaniyê da hat diyarkirin ku esker û sivîl tevda, 46 kes mirin.

Di daxuyaniyê da her wisa hat destnîşankirin ku 10 kes jî birîndar bûn ku di navê da zarok jî hene û birîndar bo Nexweşxaneya en-Newê hatin veguhestin.