Medyaya Îsraîlê ragihand ku tevî peymana agirbestê ya bi Hemasê ra, Îsraîl wê sibê Deriyê Sînor yê Refahê veneke ku di ser Misrê ra diçe Xeta Xezeyê.

Li gor nûçeya rojnameya Tîmes Of Israelê, hat ragihandin ku Deriyê Sînor yê Refahê ku li gorî peymana agirbestê ya li Xezeyê diviyabû sibê vebe, wê ji aliyê Îsraîlê va girtî bimîne.

Îsraîlê derengketina di radestkirina cinazeyên hemû girtiyên Îsraîlî yên mirî yên ku di destê Hemasê da ne wekî sedema venekirina Deriyê Sînor yê Refahê nîşan da.

Di 9ê Cotmehê da Serokê Amerîkayê Donald Trump ragihandibû ku Îsraîl û Hemasê di dema danûstandinên li Misrê da qonaxa yekem ya plana agirbesta Xezeyê pesend kirine.

Peyman li Misrê ku danûstandin lê çêbûn, hate îmzekirin û di 10ê Cotmehê da bi erêkirina hikûmeta Îsraîlê ketibû rewacê.