Girtiyê Filistînî yê di girtîgeha Îsraîlê da wefat kir

RAMALLAH 

Girtiyê Filistînî Ezîz Awiysat (53) ê di girtîgeha Îsraîlê da ji ber ku xwîna di dilê wî da tîr bû, wefat kir.

Di daxuyaniya nivîskî ya Cemiyeta Dîlên Filistînî da hat diyarkirin ku Girtiyê Filistînî Awiysat li nexweşxaneya Girtîgeha Er-Remle dema dihat tedawîkirin, xwîna di dilê wî da tîr bû. Hat diyarkirin ku piştî vê geşedanê, Awiysat rakirin Nexweşxaneya Assaf Harofeh, lêbelê Awsiyat nefilitî û wefat kir.

Cemiyeta Dîlan destnîşan kir ku berpirsiyariya wefata Awiysat di stûyê meqamên Îsraîlê da ye. Cemiyetê herwiha rêveberiya girtîgehê tawanbar kir ku pêwîstiyên girtiyan ên di warê tibî da bi cih nayne.

Hat ragihandin ku Awiysat xelkê Qudsê ye, di 2014an da hatiye girtin û 30 sal cezayê hebsê xwariye.