Hat ragihandin ku Fermandarê Fermandariya Hêzên Navendî ya DYAyê (CENTCOM) Amîral Brad Cooper, piştî hevdîtina bi serkirdeyê YPG/HSDya rêxistina terorê Ferhat Ebdî Şahînê ku wekî Mezlum Ebdî jî tê nasîn, duh serdana Sûriyeyê kiriye da ku bicihanîna agirbesta di navbera hikûmeta Sûriyeyê û YPG/HSDya rêxistina terorê da piştrast bike.

Li gorî nuçeya televîzyona El Arabiyayê ku navê çavkanî nehat eşkerekirin, Fermandarê CENTCOMê Cooper duh li bakurê Iraqê bi serkirdeyê YPG/HSDyê Ebdî ra civiya.

Piştî hevdîtinê, Cooper serdana Sûriyeyê kir da ku bicihanîna agirbesta di navbera Şam û YPG/HSDyê da piştrast bike û pêvajoya veguhestina terorîstên DEAŞê bo Iraqê çareser bike.

Di raporê da her wiha hat destnîşankirin ku armanca serdana Cooper ew bû ku pêşî li zêdebûna aloziyên di navbera hikûmeta Sûriyeyê û YPG/HSDya rêxistina terorê da bigire.

CENTCOMê hê jî li ser raporên ku dibêjin Cooper bi serokê YPG/HSDyê Ebdî ra civiya û serdana Sûriyeyê kir, tu şîrove nekiriye.

Balyozê DYAyê li Enqerê û Nûnerê Taybet ê DYAyê yê ji bo Sûriyeyê, Tom Barrack, duh li Hewlêrê bi serkirde Ebdî û Îlham Ehmeda, ku yek ji qaşo rêvebira baskê siyasî yê YPG/HSDyê ye, ra civiya.

Hat ragihandin ku di civînê da Peymana Agirbest û Entegrasyona Tam a ku di 18ê Çileya Paşîn da di navbera hikûmeta Sûriyeyê û YPG/HSDyê da hatibû îmzekirin, hatiye nîqaşkirin.